هو : حبيبتي أنا حأطلب بيتزا ، عايزة حاجة ؟
هي : لا يا حبيبي
هو : أوكي
هي : ولا أقولك ..؟
هو : ها ، أطلب لك كمان ؟
هي : مش عارفة
هو : مش عارفة إذا كنتي عايزة ؟
هي : لا
هو : إنتي جعانة ؟
هي : يعني
هو : يعني إيه يعني...؟
هي : يعني مش متأكدة إذا كنت جعانة ولا لأ.
هو : الواحد لما بيكون جعان بيعرف
هي : لأ بس يمكن أجوع بعدين
هو : يعني أطلب لك بيتزا ؟
هي : طيب و إذا ما كنتش جعانة وقتها..؟
هو : ما تاكليش
هي : بس ده كدة يبقى تبذير
هو : خلاص ، تبقي تاكليها بكرة
هي : و إذا ما كانش لي نفس آكل بيتزا بكرة ؟
هو : مش محتاجة نفس ، الواحد عادي ممكن ياكل بيتزا كل يوم
هي : أنا لا .. أنا مش باكل بيتزا إلا لما يكون عندي نفس للبيتزا
هو : طيب بلاش ، أطلب لك حاجة تانية ؟
هي : بس أنا مش عايزة حاجة تانية
هو : يعني عايزة بيتزا ؟
هي : لا
هو : يعني مش عايزة حاجة ؟
هي : لأ برضه
هو : جننتيني ، طب أعمل إيه ؟
هي : اطلب إنت لنفسك
هو : الحمد لله ، أخيرا .. ماشي ..
هي : بس اطلب بيتزا بالتونة
هو : نعم ؟ أنا مش بحب البيتزا التونة
هي : بس أنا بحبها
هو : وانتي مالك ؟ هو انا حاطلب ليا ولا ليكي
هي : ليك طبعا
هو : طيب أطلبها ليه بأة بالتونة...؟
هي : يمكن أجوع لما يوصل الأكل
هو : وبعدين ؟
هي : يا سلام ، يعني تفتكر آكل حاجة مش عاجباني ؟
هو : ليه هو انتي – أصلاً - عايزة تاكلي ؟
هي : ليه لأ ؟
هو : يا مثبت العقل .. هو أنا حاطلب بيتزا لي , عشان احتمال إنتي
تاكليها إذا كنتي جعانة ؟؟
هي : بالضبط
هو : وأنا بلاش آكل ؟
هي : يمكن وقتها أكون مش جعانة.
مـلاحـظـــة:محكمة الجنايات قررت تبرئة الزوج من تهمة قتل الزوجة مع سبق الإصرار
والترصد
الجمعة ديسمبر 14, 2007 11:25 pm
