قسـاوه شعر خالد الفيصل جديد

ليه أذا حبيتك اكثر..زدت قسوه

وأن دريت بحاجتي لك...زدت جفوه

وأن عطيتك من حياتي ماتريده..ماكفاك

تحسب أن الحب...نزوه

والله أني ياأحب الناس..أحبك

والله أن الروح لو ترضيك..فدوه

والله أني تارك(ن) غيرك..وجيتك

مزعل الزعلان والعذال..عنوه

كل دقة قلب فيني لك قصيـده

تكفي الدنيا مع الأحباب غنوه

وكل هاجس مايجيب إلا خيالك

سلوتي بالعمر في صحوة وغفوة

أجمع إحساسي وأشواقي وأجيــــــــــلك

والبس ثياب الهوي والعشق كســـــــــوه

انتقيلك من سواليفي حسنها

والقصايد من غزلها...كل حلـــوه

وانثر العبرات والضحكات عندك

تاخذ اللي تلتقيلك فيه سلوى

وأذكر الله كل ماشاهدت حسنــــك

أشهــد إنك فوق عرش الزين ذروه

ماقصدت بكل هذا أتجمل..

أو اقول اني احق الناس حظــــــوه

أدري اني عادي ومافي ميزه

وادري اني كادحن..ماحاش ثروه

وأدري اني في خريف العمر ماضي

مابقي بيني وبين القبـــــــر خطـــــــــــــــــوه

لكن إني صادقن فيما أقوله

واطلب من الله عن الزلات عفـــوه



ساري وأصوّت لك ابيك
النّظرة في عيوني تبيك
والرّعشة في قلبي تبيك
سَاري
شعوري ذا الليله غريب
كيف الحبيب يشكي حبيب
أنا ملكتك وأنا فقدتك
ليتني لمّا عرفتك ما تركتك
سَاري
لما عيوني عانقوك
في غمضه وَحده ضيّعوك
أسأل زماني والمكان
واجمع سواليف الحنان
أنا ملكتك وأنا فقدتك
ليتني لما عرفتك ما تركتك
سَاري
قلبي وليلي بك سَرى
واللي جَرى لي ماجَرى
أمشي وأدوّر بالوجوه
تايه عيونك توّهوه
أنا ملكتك وأنا فقدتك
ليتني لما عرفتك ما تركتك
سَاري

Anw