رائعه من روائع سعدعلوش
جمّرني ابدفى من التجمير...وبفرح...ولوالنفس نقاده
ياشهرتسعه جعل مابك ظير...بك يوم ميعادي،بميعاده
جبه وجبني صب ذايب مير...معاه خاتم شوق،،وقلاده
و وجّه رسايل دعوه وتحذير...لاشياءنا اللي غير معتاده
لاحلامناالواجد..عن التحرير...وقصة سجين يحب جلاده
و وسائل التشويق والتاثير... والشعر بوصوله،وبابعاده
والغيم..وزخات المطر والطير...وبخار فم البرد ...وقناده
وسيدجنيد..وسيده كارتير...وبكلات ليل..يشقــــر سـواده
والقبعه...والمعطف الحرير...والنادله...والقهوه الساده
والمرحباه اللي لها تخدير...وقلم ..ودفترسلك ..ووساده
والنمل..والنسناس..والنّوير...وابوعلي... واجداد اجداده
وابوعمر...والسايس الفقير ...وجنايني الشتلات ابوغاده
والصبر ..والفراش..والتقدير...وبنات كـل الحي ...واولاده
في شارعه يتجمعون عصير...للتهنئه ...في عيد مـيـلاده
ولا خلص التصفيق والتصفير...من كل مجموعه طلع قاده
وقالوا رجاء مانبي تاخير... ردوا ورانا بذوق.....واجاده
مع بعض ..كل عام وانت بخير...يا اغلى بشر ..ياسيد الساده
تكفى وسامحنا على التقصير...واللـه يزود فـ عمرك اعياده
وانااللي احبك محبه غير ..؟... من قلبي ومـن فودة افواده
كل عام وانت بخير وانا بخير...وكـل عام .. وانا احبك زياده
وكل عام وانا اكافح التغيير ...وكل عام ولا انت بـ على العاده
وكل عام وانا اموت التفكير ...واحبك .... باصرار ، و اراده
وكل عام ودموعي عليك تحير...وهذي السنه بالـذات هـداده
وكل عام تكبر بـه ترد صغير ... كانك تسوي لـوجهك اعـاده
ياكبدي اللي معك كبد بعير ... مــرددن غــاربــه ....لـشـداده
ويا حب قلبي لقلبك الشرير...الابيض اللي عناده ... عنـاده
سياسة التوطين والتهجير... مــــا خــلــت الـفـقــيــر فـ بلاده
والله وكبرنا ... والاماني بـيـر...مـصدارهـ يشابه الـ مـيـراده
سبعه وعشرينك ..عساها تصير .. ميه على عـز .وعلى عباده
يا حبي الاول ..ويا الاخير... الـلـي قـديمة ... ورث اجـداده
كل عام وانت بخير ، وانا بخير ... وأشيب ... وانا احبك زيـاده
اتمنى تنال اعجابكم
الجمعة نوفمبر 30, 2007 12:20 pm
